Menota T V B Tekst- og verktøybase for Medieval Nordic Text Archive Kodingsstandard, ordbankbygging og Heimskringla-edisjon Utvikling av fontar for Menota TVB Menota-prosjektet har behov for særskilde fontar for vising av tekstene, særleg dei tekstene som inneheld mange spesialteikn. Dette er eit høgt spesialisert behov, og det er lite sannsynleg at dei store aktørane (LinoType, Agfa Monotype o.l.) vil finne dette kommersielt interessant. Menota har derfor gjort avtale med to sjølvstendige fontutviklarar med tanke på å få utarbeidd eigna fontar. Dette er eit krevjande arbeid, og det kan derfor ta noko tid før fullt brukande fontar er klare. Utgangspunktet for Menota er at desse fontane skal gjerast tilgjengelege for fri distribusjon blant brukarane av arkivet.   1 Leeds Uni Denne fonten vil bli utvikla av Alec McAllister, Universitetet i Leeds, og byggjer på ein fullstendig eigenutvikla font frå hans side. Fonten liknar Times, men alle grunnteikna er individuelt utforma, og skil seg frå Times m.a. i utforminga av seriffane. Ein mindre versjon av denne fonten har vore brukt i fleire bokproduksjonar i England.   2 Bergen Medieval Nordic Times Dette er ein font som vil bli utvikla på grunnlag av ordinær Times New Roman, og dette skjer etter drøftingar med Agfa Monotype. Ansvarleg for utviklinga er Bernt Øyvind Thorvaldsen, Universitetet i Bergen. Mange av teikna vil vere kjende frå ReykjavikTimes og AkureyriTimes, men Bernt Øyvind Thorvaldsen har valt å byggje opp desse teikna på nytt i fleire tilfelle, m.a. slik at utforminga av lengdeteiknet (accent aigue) følgjer Times-standarden.   Oppretta 06.03.2003. Sist oppdatert 06.03.2003.