Rundskriv til styret 2/2001 Preliminær nettside Fra Odd Einar Haugen, 27.09.2001: Etter ei samtale med Claus Huitfeldt i går (26. sept.) tek eg sjansen på å setja opp ei preliminær nettside for Menota. Den er her: http://www.hit.uib.no/menota Eg kunne tenkje meg å få registrert adressa www.menota.no - sjølv om det kostar lite grann. Men det bør vel vente til vi har fått inn respons på det brevet som Claus og Christian-Emil er i ferd med å skrive - i fall det er nokon som ikkje likar Menota-namnet. Nettsida er litt vag når det gjeld kva tid mellomalderen sluttar - eg har skrive "slutten av 1500-talet". Ofte blir 1550 sett som ei grense, men eg meiner at vi kan tillate oss å ha litt uskarpe kantar, så lenge vi har eit klart fokus for arkivet. Vi må koma tilbake til den vidare utforminga og arkitekturen av nettsidene. Når vi har fått det heile så nokolunde på plass, undrast eg på om vi skulle utarbeide parallelle versjonar av startsida på dansk, svensk, islandsk og engelsk. Litt ekstra arbeid, men det vil gjera at institusjonar i kvart av landa kan lenkje til startsida for Menota og få denne på sitt eige språk (+ engelsk, for dei som ikkje er så glade i å lesa nordisk). Det kan vera med på å framheve at Menota ønskjer å vera eit reelt nordisk samarbeidstiltak, og at den fysiske lokaliseringa av arkivet til Bergen er ei underordna sak. Tilbake til internsiden Tilbake til hovedsiden Opprettet 09.12.2001 av OEH.