|
Fra Odd Einar
Haugen, 20.11.2001: Det faglege ansvaret ligg til rådet og styret for arkivet. Til det tekniske og administrative arbeidet må arkivet søkje støtte frå HIT og DokPro. Dette notatet er ei førebels skisse av aktuelle arbeidsoppgåver fram til den formelle stiftinga av arkivet (dvs. når rådet kan vedta stattutane for arkivet). 1. Teknisk drift av arkivet Det er nødvendig med ein server der ein kan leggje ut tekster og anna materiale, og personale som kan vedlikehalde og rette opp feil på denne serveren. 2. Administrasjon av arkivet Arkivet bør ha tilgang på sekretariatsfunksjonar, dvs. ei konkret adresse (post, telefon, faks) og personale som kan svare på spørsmål om arkivet, ev. ekspedere dei vidare til fagpersonalet. Sekretariatsfunksjonane bør også omfatte arkivering (gjerne i elektronisk form på nettsida) og hjelp til bokføring og økonomistyring. Dette kan skje ved at Menota blir oppretta som eit eige prosjekt. 3. Oppretting av nettside med database-funksjonalitet Det er oppretta ei nettside for Menota på domenet www.menota.org. Denne sida bør utbyggjast og utstyrast med ein databasefunksjon, slik at brukarane kan søkje på dei innlagde tekstene etter ulike trekk - f.eks. (a) verktittel, (b) katalogsignatur, (c) proveniens, (d) datering, (e) genre. 4. Utvikling av stilark Som vist på handbokssidene (sjå http://www.hit.uib.no/menota/handbok/innhold.html) står det enno att ein del arbeid med å utvikle stilark slik at tekster kan visast på ulike nivå (<orig>, <expform>, <reg>) og med riktige fontar. Jf. oppsummeringa på http://www.hit.uib.no/menota/handbok/verktoy/stilark/stilark.html. Dette arbeidet heng nøye saman med utvikling av font-løysingane, jf. pkt. 5 nedanfor. 5. Utvikling av fontløysingar For vising av tekst (på nett, PDF) er det nødvendig at entitetskodinga blir knytt saman med tenlege fontar. Her bør det truleg arbeidast i to retningar, ei Unicode-løysing og ei løysing som baserer seg på web-fontar. Unicode-løysinga bør ha prioritet. Sjå http://www.arts.usyd.edu.au/~tarwills/thesis/ for døme på ei side med norrøn web-font. 6. Overføring og tilpassing av tekster Det er viktig at Menota får inn ei tilstrekkeleg mengd tekster tidleg i oppstarten. På bakgrunn av diskusjonen under møtet 10. sept. 2001 bør vi truleg starte med å ta inn tekster i ulike lokale format, og heller konvertere desse til eit felles format etter kvart. Eit heilt avgjerande tekstkorpus er det som DokPro i dag forvaltar. 7. Perl-programmering Det er bruk for programmeringshjelp til å vidareutvikle og dokumentere dei Perl-programma som Espen S. Ore laga for tekstkonvertering, jf. http://www.hit.uib.no/menota/handbok/verktoy/skript/skript.html 8. Validering Etter kvart vil det koma inn tekster som er koda etter den standarden som er utvikla og dokumentert i handboka. Sjølv om innsendarane blir oppfordra til å følgje dei retningslinjene som er lagt i handboka, vil det truleg vera behov for valideringshjelp. I nokre tilfelle kan det bli tale om fleire rundar med validering. 9. Spørsmål-og-svar-teneste Det vil koma inn spørsmål om alle slags praktikalitetar når det gjeld tekstkoding. Det er bruk for nokon som kan svara på dei tekniske spørsmåla, og kan hende leggje dei inn i eit arkiv for Ofte Stilte Spørsmål. 10. Utgreiing av copyright-forhold Spørsmålet om copyright o.l. vart ikkje drøfta på møtet i Oslo, men vil vera sentralt for mange av bidragsytarane til Menota. Her er det viktig med erfaring frå andre prosjekt.
|
|
Opprettet 09.12.2001 av OEH. |