Rundskriv til styret 7/2001 Sak: oppretting av interne nettsider Fra Odd Einar Haugen, 10.12.2001: Når vi får eit fullt råd i tillegg til interimsstyret, meiner eg det er viktig med enkle og oversiktleg rutinar for saksbehandling. Eg har derfor oppretta ei intern side for Menota på denne adressa (lag bokmerke!): http://www.hit.uib.no/menota/internindex.html Den interne sida inneheld no (a) ei redigert liste over rundskriv til styret, (b) oversyn over søknader som vedkjem Menota og (c) referat frå møte på ulike nivå. Det er ikkje lenka til den interne sida frå hovudsida (http://www.menota.org). Informasjon som blir utlagd på den interne sida rettar seg berre mot styret, rådet og redaksjonen for Menota. Det er også eit nyheitsarkiv på hovudsida for Menota, der ein kan leggje ut dei viktigaste sakene frå den interne sida, om nødvendig i redigert form - dvs. i stil med pressemeldingar. Eg tek gjerne mot synspunkt på innhald og utforming av den interne sida. Inntil vidare er sida berre kunngjord for adressatane til dette brevet.   Fra Odd Einar Haugen, 17.12.2001: Det har ikkje kome merknader til utlegginga av den interne sida for styret og rådet for Menota (jf. rundskriv 7/2001 utsend 10.12.2001). Eg reknar derfor med at denne forma for intern kommunikasjon er godkjend av interimsstyret.   Tilbake til internsiden Tilbake til hovedsiden Opprettet 17.12.2001 av OEH.